Кошарка! На скратениот список за селективниот тренинг на репрезентацијата М20 се најдоа пет играчи на Вардар

Националниот машки кошаркарски тим до 20 години   се подготвува за Европското првенство (Б Дивизија) кое ќе се игра во јули во Романија. Селекторското  трио на чело со Мирко Петрески кои го водат   националниот состав до 20 години во машка конкуренција го скрати списокот на кошаркари кои се повикани за селективен тренинг. Оваа генерација до 20 години е прва во машката конкуренција што ќе ги започне своите активности.

Собирот е закажан за 6-ти јуни, каде ќе се одвиваат  подготовките за Европското првенство, Б Дивизија. Првенството ќе се игра од 14-ти до 23-ти јули во Орадеа-Романија. Селективниот тренинг ќе се оддржи во малата сала “Кале” со почеток во 11-00 часот. Во  составот на повикани пет играчи на црвено-црниот тим играчи:

Дамјан Робев – Вардар
Блажо Митков – Вардар
Бојан Серафимов – Вардар
Дејан Србиновски – Вардар
Михајло Митев – Вардар