Борење: ЛАУРЕАТИТЕ ЗА НУРОВ и вредносен чек од 50.000ден

БК ВАРДАР денеска 25.12.2018 на свеченоста во ресторанот Деспина ги номинираше најуспешните членови на клубот за 2018 година:

- Шампионскиот женски колектив на чело со Марина Михајлова Дамчевска добија признанија и дипломи.

-Во грчко-римски стил за најуспешен беше прогласен Далибор Богданов.

-Лауератите и наградата од 50.000ден му беа доделени на Медитеранскиот Шампион , 5-от на Европското Првенство – МАГОМЕДГАЏИ НУРОВ.

Воедно Вардаровата номинација на НУРОВ е доставена и до Агенција за млади и Спорт , МОК и спортските институции за избор на спортист на годината на Македонија.

На свеченоста Претседателот на Боречкиот Клуб ВАРДАР Далибор Милановски со спортскиот директор Мирко Димчевски врачија признанија и дипломи за успешната работа во 2018 година на сите членови на Управот одбор со залагање и обврска следната година да избориме Олимписка Норма за Токио 2020.