“Бронзениот“ Зубаиров од БК Вардар пречекан на “Александар Велики“(ФОТО)

Експедицијата на БК Вардар денеска пристигна во Скопје, и тоа со бронзен медал кој го освои нивниот борач Халил Зубаиров. На Европското првенство до 23 години кое се одржа во Полска, нашиот Халил во категоријата до 86 кг. успеа да се закити со бронза.

На аеродромот Александар Велики денес имаше свечен дочек на борачот кој и донесе бронза на Македонија. Беше пречекан од делегацијата на Бк Вардар, и Борачката федерација на Македонија: претседателот- Чедо Николовски, секретарот-Љупчо Лазаревски. Потоа од председателот Далибор Милановски со раководството на БК Вардар, Д-Р. Страшо Глигоров, Тони Танчев и Аце Поцев.

Ова е голем успех за борењето и воопшто за Македонскиот спорт, бидејќи е многу тешко да се обезбеди медал од вакви првенства.

Честитки од редакцијата на Вардар Фанс до БК Вардар и до шефот на стручниот штаб, професорот Пешко.