КОШАРКА! Вардар во дербито го пречекува Гостивар за “ставање печат“ на прволигашката виза

Нашиот кошаркарски црвено-црн колектив игра екстремно одлична пролет во втората македонска кошаркарска лига. Досега нанижавме седум од седум во пролетниот дел, што не прави екипа со најдобар скор оваа пролет во втората по квалитет кошаркарска конкуренција во земјава. Успеавме дури да му нанесеме пораз на тимот кој беше непобедлив се до гостувањето во “Кале“ лидерот на табелата во лигата екипата на КК АВ Охрид.

На две кола до крај со ова одлично темпо на настапување и редење победи успеавмне да сме на два бода односно со две победи пред најблискиот конкурент за втората позиција екипата на КК Гостивар 2015. Токму гостиварчани ни гостуваат на 2-ри април во сабота, мечот стандардно ќе се одигра во малата сала при спортско рекеативниот центар “Кале“ во Скопје. Несомнено гледајќи ја нашата форма во овој дерби дуел вледуваме како благи фаворити, но истото нашите момци треба да го прикажат на паркетот.  Како гости на првиот дуел со гостиварчани наесен однесовме победа со 72-83. Се надеваме дека нашиот вардаров колектив ќе успее како и лани кога влезе од трета во втора , така и годинава да влезе во прва лига онаму каде што треба да е местото на овој клуб.