Доминација! „Вардарки“ сo осум од осум во Првата лига

Одбојкарките на Вардар ја продолжија серијата перфектни изданија во Првата лига со нова максимална победа, овојпат триумфирајќи со 0-3 на гостувањето против Јанта Волеј. Откако истиот ривал беше совладан со максимални 3-0 во рамките од првото коло, со идентичен резултат беше забележан триумф и на денешниот меч, за осма победа во осмиот одигран натпревар од Првата лига.

Домашните одбојкарки пружија достоен отпор, но на крајот пресуден беше квалитетот на „црвено-црните“, кои иако не одиграа на своето највисоко ниво, сепак успеаја да стигнат до уште една победа без загубен сет. „Вардарки“ го добија првиот сет со 19-25, во вториот домашните одбојкарки постигнаа 22, а во третиот 21 поен, за заслужен триумф на „црвено-црните“.

Вардар со максимални осум победи во првите осум кола заслужено се наоѓа на врвот на табелата, пред останатите ривали во трката за највисок пласман.