Vardar Fans
Викендов, поточо на 30-ти септември започна новата сезона 2017/2018 во Македонската кугларска лига-МКЛ. Вице-првакот, кугларскиот клуб Вардар во првото коло гостуваше кај екипата на КК ГТЦ Мусандра. Нашите момци се сретнаа со јуниорскиот и сениорскиот тим на КК ГТЦ. Дуел се играше во кугларницата “Мусандра“ при Градскиот трговски центар-Скопје. Вардарци во дуелот во кој ривалот беше благ фаворит успеавме да триумфираме минимално со 3,5-4,5 кај сениорите. Покрај ова победа однесовме и кај јуниорските екипи кои играа претходно, во тој дуел нашите надежи триумфираа со 3-1.
За нашиот состав настапија Љупчо Митиќ и Мартин Митиќ, тренерот Драги Димитровски на нив им подари доверба и тие дојдоа до победа со своите ривали од КК ГТЦ. Се играше првпат “полни“ и чистење кај јуниорите за разлика од лани кога играа само “полни“. Младите црвено-црни момци играа по два сета со противникот. Митиќ Љупчо впиша зад своето име 224 (158+66) соборени “дрва“, а пак Мартин Митиќ впиша 225 (155+70). Со ова покажаа дека се кандидати за врвот кој лани им избега за малку и беа втори со исти скор како првопласираните.
