Tuesday ,13 April 2021
Последни:
Home > Останати спортови > Куглање > Огромно засилување за Вардар! Коста Манев нов член на кугларскиот тим, среќен роденден
Огромно засилување за Вардар! Коста Манев нов член на кугларскиот тим, среќен роденден

Огромно засилување за Вардар! Коста Манев нов член на кугларскиот тим, среќен роденден

Денес свој роденден прославува најновото име во Кугларскиот тим „Вардар“. Од вчера нов член на црвено-црните е ни помалку ни повеќе легендарниот македонски куглар, Коста Манев.

Станува збор за куглар кој голем дел од својата кариера ја мина во Хрватска, земја каде овој спорт е на високо професионално ниво. Потекнува од кугларска фамилија, завидна кариера има и Тодор, неговиот брат и внукот Бранко кој сега игра во хрватски Запрешиќ.

d

Коста Манев е екс македонски репрезентативец, со дузина одлични партии на клупски и репрезентативен план. Играше во завршниците на клупски и репрезентативни кугларски настани од каде што има бројни одличја. Сеуште е квалитет па вардаровиот тим добива сериозно засилување и кандидат за нов репрезентативец. Играше во Поштар-Сплит претходно и во Шибеник. Има неколку децениска плодна кариера зад себе, самото доаѓање во Вардар ќе го подигне квалитетот на тимот и на македонското куглање воопшто.

d2

Во неговото богато спортско портфолио е и настапот со тимот на КК Вардар ГТЦ, тој веќе еднаш ги носеше црвено-црните бои.