Кугларите на Вардар со дерби во сабота против КК Работнички

Во сабота нов предизвик на Кугларскиот Клуб Вардар им следи дерби со тимот на КК Работнички .Колото број 10 од МКЛ е од голема важност за КК Вардар, ако не и круцијално за крајниот поредок на табелата за сезоната 2014/2015. Во сабота, 14.00 часот, во кугланата во СЦ Борис Трајковски, ќе се судрат моментално второпласираниот Работнички и моментално третопласираниот Вардар.

Вардар како домаќин на овој натпревар има силен мотив да го порази Работнички во директен дуел за второто место на табелата, како и да се одмазди за тесниот пораз од 5-3 во есенскиот дел од сезоната кој за Вардарци не беше планиран и ги помати нивните планови за сигурно вицешампионско место во МКЛ. Во секој случај, се очекува неизвесно дерби во кое Вардарци ја имаат улогата на фаворит на хартија поради домашниот терен , како и поради моменталниот играчки квалитет. Лидерите на тимовите и квалитетните играчки имиња како Димитар Димитровски, Бојан Влаќевски, Миле Димковски и Тодор Манев ветуваат возбудување на кугларските патеки