Vardar Fans
Овој викенд со одигрувањето на финалниот меч од Купот на Македонија во куглање заврши сезоната 2015/16 во овој помал спорт. Во финалното соочување се сретнаа двата најголеми ривала, Вардар и Макпетрол, за место на одигрување беше одредена кугланата при СЦ “Борис Трајковски”, големото финале се играше на патеките 1-4. Избраниците на Драги Димитровски ја брани титулата освоена лани во ова куп натпреварување.
Вардарци како и во двата први дуели во Македонската кугларска лига со “пумпашите“ одиграа силен и израмнет меч, во кој победникот се знаеше дури по последните фрлања на патеките во “Борис Трајковски“. Играчите на Кк Макпетрол се покажаа повешти и како и во изминатите два меча така и во овој, успеаа да се извлечат во финишот на мечот тие со само 22 “соборени дрва“ предност го добиа овој финален меч со минимален резулат, односно како што гласи тоа во куглањето победиа тесно со 5-3. Вардарци за жал го изгубиа ланското злато и сега двојната круна припадна на Макпетрол оваа сезона, црвено-црните зад своето име имаат две “сребрени“ одличја во Купот на РМ и МКЛ. Изненадувачки прв резулат кај нас имаше одличниот во дербито Дане Јакимовски кој зад своето име впиша 609 “соборени дрва„. На позициите 2-3 се најдоа фантастичното дуо Димитар Димитровски-Бојан Влаќевски, тие исто така имаа резулат над 600. Димитар имаше 604, а Бојан впиша 603 “соборени дрва“ на овој меч. Покрај овие три резулати останатите вардарци ги забележаа следните три скора на овој дерби куп натпревар: Донковски 574, Ристевски 559 и Димковски впиша 545 “соборени дрва“. Оваа сезона заврши со “горк вкус во устата“ бевме многу близу до двете титули само “милиметри“ не делеа од истите сепак среќата сакаше тие да заминат кај Макпетрол оваа сезона. Се надеваме следната сезона дека ќе не следат нови успеси, и дека конечно ќе се закитиме со двојната круна во куглање.
