АТЛЕТИКА!       ОДРЖАН ИНТЕРНАЦИОНАЛЕН АТЛЕТСКИ МИТИНГ “ЛАЗО МИЛОШЕВСКИ”

                Во знак на сеќавање на легендата на АК “Вардар” и македонската атлетика, во саботата, на Арената “Филип II Македонски”, во организација на Атлетската федерација на Македонија, се одржа атлетскиот митинг “Лазо Милошевски”. Студеното и врнежливо време  не ги поколеба учесниците на митингот да се натпреваруваат, и да постигнат подобри резултати. Покрај атлетичарите и атлетичарките од нашата земја и земјите на соседството, можеа да се забележат и поранешните рекордери и истакнати тренери: Зоран Михајлов, Милош Буцевски, Крсто Серафимовски, Марина Михајлова Дамчевска, Митре Кичевски, Дејан Ангеловски…

                За ликот и делото на Лазо Милошевски, пред присутните зборуваше Зоран Михајлов, поранешен повеќекратен атлетски шампион и рекордер на Македонија и истакнат спортски новинар.

                На натпреварот се одржаа вкупно десет дисциплини:  пет во машка и пет во женска конкуренција. Најголем интерес владееше за Меморијалната трка на 400 метри, дисциплината во која Лазо Милошевски ги постигнуваше своите најдобри резултати во земјата и на меѓународен план. Првите три места им припаднаа на следните атлетичари:

1. Астрит Круезиу (Косово) – 51,23
2. Мустафа Хајдар (Косово – 51,70
3. Марко Макај (Албанија) – 53,38

Во останатите дисциплини, постиганати се овие резултати:

                100 M – жени:

1. Ајше Халими (Студенти) – 12,66
2. Јана Митовска (Работнички) – 12,71
3. Мила Враниќ (Работнички) -12,96

100 м. – мажи:

1. Али Шабани (Лириа) – 11,10
2. Милан Вељковиќ (Куманово) – 11,16
3. Александар Таневски (Работнички) – 11,38

800 м. – жени:

1. Греса Вакрани (Косово) – 2:20,36
2. Рената Соколовска (Делта) – 2:20,93
3. Ејона Сифе (Албанија) – 2:31,91

800 м. – мажи:

1. Муса Хајдари (Косово) – 1:58,99
2. Астрит Круезиу (Косово) – 1:59,26
3. Марко Макај (Албанија) – 2:00,75

400 м. – жени:

1. Дрита Ислами (Работнички) – 1:01,71
2. Рита Хајдини (Косово) – 1:02,33
3. Ајше Халили (Студенти) – 1:03, 82

Далечина – жени:

1. Мартина Мироска (Охрида) – 5,26 см.
2. Бесијана Мустафа (Лириа) – 4,89 см.
3. Рита Хајдини (Косово) – 4,76 см.

                Далечина – мажи:

1. Али Шабани (Лириа) – 6,53 см.
2. Митко Балабанов (Бугарија) – 6,53 см.
3. Александар Таневски (Работнички) – 6,39 см.

Височина – жени:

1. Бесијана Мустафа (Лириа) – 150 см.
2. Соња Тимчевска (Куманово) – 140 см.
3. Надица Јовановиќ (Карпош) – 1`40 см.

Височина  – мажи:

1. Јованче Јовановски (Карпош) – 185 см.
2. Никола Стојановски (Куманово) – 180 см.
3. Никола Зарковски (Куманово) – 180 см.

Пишува за Вардар фанс: професор Мирослав Бошковиќ