Кошарка: Со по две победи КК Вардар М16 и М18 го минаа елиминацискиот турнир и обезбеди прва лига

Двете млади екипи на кошаркарскиот клуб Вардар, селекциите М18 и М16 ги минаа елиминациите и обезбедија место во квалитетната лига.

Со две победи против екипите Партизан М.Шпед 2 и Ангели , како и службено добиен трет натпревар, нашата селекција М18 обезбеди убедлив влез во првата лига во ова натпреварување.  Исто така и со две победи момците од КК Вардар М16 успеаа да дојдат до успех во оваа етапа. Нашите момци со два триумфа во натпреварите против екипата на  Мега Баскет и тимот на  Гостивар го завршија елиминацискиот турнир. Ланскиот вице-шампион повторно ќе биде дел од првата младинска лига до 16 години и ќе се стремиме на успешна сезона.