Вардарки во 6.коло го пречекуваат тимот на ЖКК Гостивар, црвено-црните дами ќе атакуваат на шестта победа

По еден викенд пауза поради обврските на сениорската женска кошаркарска селекција, овој викенд повторно на програмата се возбудувањата од Првата лига. Во ова 6.коло црвено-црните избранички на Жаклина Стојановска ќе бидат домаќини на тимот на ЖКК Гостивар.

ЖКК Вардар  досега имаат пефректен скор со пет победи по исто толку одиграни кола и ја делат лидерската позиција со шампионот Бадел 1862.  Гостивар досега одигра четири меча, едно коло беше слободен и има само една победа, ние во дуелот со нив влегуваме како фаворити. Натпреварот ќе се игра во малата сала при С.р.ц “Кале“-Скопје.