Tuesday ,25 June 2024
Последни:
Home > Останати спортови > Куглање > КУГЛАЊЕ! Вардарци ги трошат последните денови од одморот, од понеделник стартуваат подготовките
КУГЛАЊЕ! Вардарци ги трошат последните денови од одморот, од понеделник стартуваат подготовките

КУГЛАЊЕ! Вардарци ги трошат последните денови од одморот, од понеделник стартуваат подготовките

Краткиот зимски одмор за избраниците на Драги Димитровски, момците од Кугларскиот клуб Вардар  полека истекува. На вардарци им останаа само овој викенд денес и утре за одмор, од понеделник, 9-ти јануари тие тргаат со зимските подготовки.

За понеделник попладне е закажан првиот тренинг кој Димитровски ќе го одржи со совите пулени во кугларницата “Мусандра“ при Градскиот трговски центар Скопје. Месецов почнува пролетниот дел во Македонската Кугларска лига-МКЛ. Во сабота  на 21-ви јануари, на програмата е првото пролетно коло односно 6.коло во МКЛ. Оваа сезона таа има шест учесници и според пропозициите ќе се игра трикружно, односно ќе има 15 кола. Напролет ќе има доста мечеви, девет во лигата, и целиот дел во Купот на Македонија. Вардар во 6.коло е гостин во дербито со КК Макпетрол. Истото ќе се игра во кугларницата при   Спорскиот центар “Борис Трајковски“ на 21/01/2017 со почеток во  12-00 часот. Првпат во историјата на МКЛ ќе може да се следи меч, дербито на Македонија во куглање преку видео стрим.  По првите пет кола прв е Макпетрол со 10 бода од 5 меча, втор е Вардар со 8 бода од исто толку мечеви.