БК Вардар ќе се натпреварува во Регионалната боксерска лига

Наш претставник во ова натпреварување ќе биде боксерскиот клуб Вардар, кој се најде во Групата А заедно со тимовите на Лозница, Железничар и Црногорски соколи. Нашиот клуб во првото коло на домашен терен во Скопје кон крајот на мај ќе се соочи со српскиот тим Лозница, додека Железничар се среќава со Црногорски соколи.

Во рамки на Групата Б во првото коло се среќаваат, Црвена Звезда против Марибор, додека Хрватски витези ќе боксува против Радник.

Јас сум голем оптимист околу целиот проект. Мислам дека ќе успееме, имаме соработка која претходно не постоеше меѓу претседателите на Боксерските федерации од поранешните Екс-Ју републики“, изјави денеска претседателот на Боксерската федерација на Македонија, Примислав Димовски. „Имаме потешкотии ние во Македонија но со помош на Србија, Хрватска, БиХ, Словенија,  се надевам дека ова ќе донесе успех на сите нас. Особено за нас кои малку потонавме во последните неколку години. Се надеваме дека наскоро ова ќе донесе позитивен резултат. Оваа лига не може да не донесе успех. Боксот порано имаше успеси, тогаш овој за овој спорт имаше интерес, ние сме мала држава но имаше услови со кои тие станаа шампиони. Ние се надеваме дека ќе биде добро, не знам дали ќе се појави нов Аце Русевски или Реџеп Реџеповски, но очекуваме позитивен ефект- додаде Димовски.