Vardar Fans
Видео од настапите во изминатата година на атлетичарот од нашиот црвено-црн атлетски колектив Петре Завировски. Тој имаше година исполнета со доста предизвици , доста трки солидни и добри пласмани на дел од нив, нормално сезоната не можеше да одмине и без некој лош пласман и поситна повреда.
Но кога ќе се сумираат впечатоците 2015 година беше успешна за Завировски, сепак голем пех за него беше неодржувањето на скопскиот маратон заради безбедносни причини, тој во текот на втората половина од годината целосно се фокусираше на овој настан кој за жал не се одржа од познати причини. Минатата година ја заврши со одличен пласман на првенство на Македонија во крос-кантри по што следуваше зимската пауза за Петре. На видеото ќе видите текстови, настани, слики од изминатата година помеѓу истите има голем број на наслови на Вардар фанс посветени на нашиот вардаров атлетичар.
