На 9 Април по 11-ти пат ќе се организира традиционалниот полумаратон “Трчаме кон Целта 2016“. Патеката на оваа трка е лиценцирана и има национален сертификат, истата точно е измерена и за полумаратон и за 5км. На истата ќе земе учество и нашиот атлетичар од црвено-црниот атлетски колектив Петре Завировски.
На Петре оваа патека му “лежи“ отсекогаш имал одлични трки на истата, тој по две години нетрчање се враќа на оваа полумаратонска-делница, последен пат Завировски трчаше во 2013 година. Петре влегува во одличен ритам оваа година тој истрча личен рекорд и го освои одличното 4.место на Gazi Baba XC Challenge ’16”,. Тој на оваа трка која се трчаше во Парк Шумата “Гази Баба“ истрча рекордно за него одлично време 26:18. Тој зема учество и на Национално првенство кое се одржа во Скопје на Кејот на реката Вардар, градски парк и мостот позади забавен парк, на патека која беше кружна. Петре овде беше учесник во натпреварувањето за атлетичари до 23 години, и со одлично време 27:30 успеа да го освои второто место.