Вардар(Б) со максимална победа, Мартин Митиќ со животна партија

Вчера во кугларницата “Мусандра“, тимот на Вардар-Б  одигра дуел со дамите од  тимот на ЖКК ГТЦ Мусандра. Црвено-црните дојдоа до победа со максимални 8-0 на оваа средба, во сетови бевме подобри со 21-03.

Вардарци дојдоа до 3112 како тимски резултат на оваа средба. Победи остварија: Љупчо Митиќ (519), Влатко Гиевски (489), Ивица Петревски (512), Влатко Стојановски (542) и Столе Ѓорѓиевски (480).  Младиот вардарец, актуелниот кадетски шампион од последното одржано кадетско првенство Мартин Митиќ имаше настап за паметење. Одигра феномелална партија и собори 570 “дрва“, резултат кој во Мусандра го постигнуваат само врвни куглари во моментов.