Кадетите на КК Вардар редат успеси во Полска

Кадетите на Вардар со убедлива победа стартуваа на турнирот од Европската младинска лига (EYBL) што вчера започна во полскиот град Радом.

Иако ослабени и без првиот тренер, „црвено-црните“ го совладаа домаќинот Пјотровка со 96-52 и се доближија уште повеќе до завршниот турнир од ова натпреварување. Полскиот тим беше рамноправен само во првата четвртина, Вардар потоа направи серија од 18-2 и се одлепи на 46-23. Во третиот период Пјотровка постигна само четири поени и тука дефинитивно беше скршен отпорот на домашниот тим.

Жарко Террзиевски со 22 поена беше најефикасен играч на натпреварот, но најдобар беше капитенот Григориј Ѓорѓевиќ кој постигна 19 поени, 8 скока, 8 украдени топки и 7 асистенции за индекс 36.

Денес, Вардар игра со романскиот тим Леи, а за в сабота му остануваа дуелите против унгарските екипи Зирош Академија и Шопрон.

Извор:кош.мк