Vardar Fans
Првиот тим на кошаркарскиот тим Вардар лани се натпреваруваше во третата лига и успеаа да обезбеди место годинава во втората по ред кошаркарска конкуренција во земјава. Во истата завршивме втори зад Охрид и повеќе од сигурно очекуваме после административната одлука место во најсилната кошаркарска конкуренција. Во младите категории пак сликата е сосема друга таму нема сила која ќе го запре Вардар. Како што веќе е познато неприкосновено е број еден школа во младинска конкуренција, за околу еден месец КК Вардар се закити со три младински титули.
КК ВАРДАР М-20!
Годинава шампионски титули освоивме дури во три младински категории и тоа кај момците до дваесетгодишна возраст и помлади М-20, потоа во категоријата М-18 и кај најмладите момци родени 2002 и помлади М-14. Во категоријата М-20 младите кошаркарски надежи пред околу месец и нешто по трет пат во финалната серија однесоа победа со нивниот голем ривал Карпош Соколи. Вардарци со максимални 3-0 во победи стигнаа до шампионската круна. Изминатиот викенд на нив им се приклучија и црвено-црните момци од М-18. Предводени од младиот тренер Ѓорѓи Кочов со низа од три победи го изненадија фаворитот МЗТ Скопје А и со 3-1 во победи го добија финалето на Плеј офот и ја освоија титулата во генерацијата М18. Сепак не застанавме тука оваа недела и најмладите кошаркари од генерацијата 2002 и помлади се најдобриот тим во Македонија во М14 во натпреварувачката сезона 2015/16. Во финалето на Плеј офот младите кошаркари на Вардар со максимални 2-0 во победи беа подобри од големиот ривал Водно Санс. Црвено-црните како гости со убедливи 83-70 ги совладаа врсниците од Водно санс и заслужено стигнаа до златните медали и шампионскиот трофеј во натпреварувачката сезона 2015/2016. Оваа година покажавме дека Вардар ја има дефинитивно најдобрата младинска кошаркарска школа во републикава.
КК ВАРДАР М-14!
