ЖКК Вардар поведе со 1-0 против МНА Кожувчанка

Кошаркарките на Вардар поведоа со 1-0 против тимот на МНА Кожувчанка во плеј-оф лигата, вчера нашите девојки во еден одличен натпревар го победија тимот на МНА Кожувчанка со убедливи 84-66.

Вардарки уште од самиот старт започнаа убедливо, уште по првата четвртина нашиот тим го реши победникот на овој натпревар. Како одминуваше натпреварот така и Вардар си ја зголемуваше својата предност, па така на крајот нашиот тим победи со убедливи 18 поени разлика.

Сега нашиот тим води со 1-0, односно му е потребна уште една победа за пласман во големото финале. Во другиот 1/2 финален дуел, Бадел 1862 лесно и убедливо со резултат 90-47 го победи тимот на Шкупи.

Вториот натпревар против МНА Кожувчанка, ќе биде одигран овој викенд во Кавадарци.