Вардар водеше на полувреме, поискусниот КК Куманово триумфираше во финишот

Вардар во дуел од 14.коло ја пречека екипата на КК Куманово. Во еден динамичен меч поискусниот тим дојде до победа во самиот финиш, црвено-црните испуштија предност од осум поена која ја имаа на полувремето.

Првиот период беше израмнет, нашите момци се бореа за секоја топка со ривалот, па успеаа со минимални 22-21 да го добијат првиот период. Одличната игра беше крунисана во следнот, на пауза заминавме со предност. На полувреме водевме 8.поена, за време на паузата на семафорот во “Кале“ стоеше  48-40 за момците на Радуловиќ. Победникот беше решен во последната четвртина во која влеговме со резултатска симетрија 68-68. Поискусниот и повозрасне ривал дојде до победа со резултат 85-89.

Провел имаше 20 поена, 19 впиша Нивес, третти стрелец во нашите редови беше Робев со 16.поени, на кој додаде 8.скока и 6.асистенции.

фото:ekipa.mk