Vardar Fans
Викендов поточно во недела, на датум 5-ти март со почеток во 11:00 часот ќе се одржи VII традиционална атлетска крос кантри трка ‘Gazi Baba XC Challenge `17’. Таа ќе се има почеток во 11:00 часот и ќе се трча низ Парк-шума Гази Баба
Оваа манифестација е во организација на Endurance.mk – Скопје (АК Индјуренс) . Според планот за тркава должина на патеките се следниве: 5.000м. – женска конкуренција и 8.000м. – машка конкуренција. На истата свое учество ќе има нашиот вардарец Завировски Петар кој ќе настапи на оваа 8 километарска делница. Тој ќе учествува трети пат по ред, лани тој постави свој личен рекорд и го освои 4. место трката. Изминатата трка Петре истрча одлични 26:18 со што беше побрз за 2 и пол минути од поланското време кога истрча 28:47. Нормално имаше подобар пласман од полани, црвено-црниот атлетичар освои двојно подобро место, лани беше 4-то пласиран за разлика од полани кога мина 8-ми низ финиш-линијата.
Овој викенд кој е зад нас Завировски трчаше повторно на трките од оваа сезона од т.н. Најк лигата во трчање. Повторно и овој викенд тој беше првопласиран, во меѓувреме тој истрча неколку “контролки“ на тартан патеката на “Телеком арената“.
