Вардарки со победата минатото коло над “фенерџијата“ Трокал избиа на врвот на табелата во македонската женска кошаркарска лига. Тие по триумфот со 84-37 над ривалот на дуелот одигран во малата сала при С.р.ц “Кале“-Скопје го минаа шампионот Бадел 1862 кој има еден меч помалку одиграно досега. Следен предизвик за нашите девојки е гостувањето во Битола.
Тие овој викенд гостуваат кај екипата на ЖКК Пелистер, натпревар кој ќе се одигра во салата Младост во Битола. Во сите соочувања во лигата, три на број и едното во полуфиналето од Купот на Република Македонија во салата “Јасмин“ во Кавадарци нашите девојки дојдоа до победи со зелено-белиот тим. Вардарки во лигата се со блескава серија од седум победи по ред, викендов атакуваат на осмата.