Vardar Fans
На петтото издание на меморијалниот ракометен турнир “Драго Јововиќ“ во Врбас свое учество викендов имаше комбинирана екипа на Вардар, составена од играчи кои се дел од младинскиот состав, како и играчи од Вардар 2 и Вардар Јуниор. Тие вчера на турнирот во Србија играа во малото финале и го освоиа четвртото место.
Во натпреварот за бронза вардаровите надежи беа поразени од домашниот тим, екипата на Врбас со 26-29, ние на полувреме отидовме со реми 13-13. Првото полувреме вардарци го почнаа лошо, имаа негатива од 0-4 на почетокот. Домаќинот во игра гол за гол на половината од првиот дел отиде на комотни 5-10. Нашите момци изнајдоа сили и направија пресврт, па полека се доближуваа резултатски и во 29 минута преку Кукуловски го израмнија резултатот на 13-13. Со вака поволен резултат тие заминаа на одмор и со овозможија вториот дел да тргнат од “нула“ во борбата за бронзата.
Вториот дел младите вардарци продолжија со ритамот од крајот на првиот период, играа одлично. Црвено-црните на почетокот од второто полувреме со серија 3-0 поведоа со 16-13, тоа водство го имавме до 44 минута. Тогаш домашниот тим на Врбас израмни на 18-18. Домаќините имаа водство во продолжение, сепак ние пак се вративме и израмнивме во 50 минута, на 20-20. Во финишот влеговме со 26-25, за домаќинот сепак во клучните моменти тие направија серија 3-1 која ги однесе до бронзата. Освојувач на турнирот беше екипата на Црвена Звезда која во финалето го совлада Партизан.
Вардар: Димов 3, Чакалиќ, Крстевски 1, Мишевски 1, Димитровски 1, Атанасовски 3, Лазов 1, Кизиќ Н., Трајковски 2, Трпчевски 5, Симиќ 4, Николовски, Кизиќ М., Брауновиќ, Кукуловски 4, Ѓоршевски, Стојановски.
