Големо признание: Борозан и Милосављев се меѓу пет најдобри играчи во ЛШ, за месец септември

Вардар има старт од соништата во Лигата на Шампионите, избраниците на Парондо имаат четири победи од исто толку одиграни натпревари и се единствени во својатга група со максимален број на освоени бодови.

Уште поголемо признание за Вардар  е тоа што двајца играчи од црвено-црните се најдоа во најдобрите пет во најголемото ракометно натпреварување, за месец септември. Тоа се Вуко Борозан и Дејан Милосављев.Левиот бек на Вардар засега има постигнато 22 голови и е најдобар стрелец на Вардар, додека Милосављев е одличен на голот и на четири меча има вкупно 45 одбрани.

Во најдобрите пет играчи за изминатиов месец покрај двајцата вардарци, се наоѓаат уште и Алекс Душебаев, Дика Мем и Енди Шмид.