Стоилов и Поповски се најдоа на скратениот список на селекторот Гонзалез, за претстојните два квалификациски дуели

Селекторот на македонската ракометна репрезентација, Раул Гонзалез го објави скратениот список од 20 ракометари, на кои ќе смета за претстојните квалификациски натпревари против селекциите на Турција и Грција, за пласман на Европското првенство во 2020 година. На истиот се најдоа и двајца играчи од Вардар. Се работи за капитенот на црвено-црните, Стојанче Стоилов и десното крило, Мартин Поповски. Од поширокиот список отпадна младиот,Марко Мишевски.

Македонија најпрво во Битола ќе ја пречека селекцијата на Турција, дуел закажан за 25-ти октомври, за три дена подоцна да гостуваме во Грција.