Најдобрата одбрана во шесттото коло на СЕХА-лигата му припаѓа на Даниел Ѓорѓески

Младиот голман на Вардар, Даниел Ѓорѓески ја има најдобрата одбрана, во шесттото коло на СЕХА-лигата. Според гласовите на фановите, одбраната од седум метри во дуелот со Загреб е најдобра на колото. Инаку Ѓорѓески се најде во ТОП-5 најдобри одбрани и во четвртото коло на СЕХА-лигата, но прв пат добива признание за најдобра интервенција.

Тој во изборот ги победи Раде Мијатовиќ ( Брест Мешков), Клемен Ферлин ( Горење), Алјаз Пањтар (Целје) и Кристиан Пилиповиќ ( Нексе). Вардар по шест одиграни кола се наоѓа на првото место на табелата во ова натпреварување.