Горбок: Скопје е мојот втор дом, тука ми е познато и се чувствувам одлично

После две години поминати во екипата на Пик Сегед, рускиот репрезентативец се врати во редовите на Вардар. Познато е за Горбок, Скопје и Вардар, па нема да му треба многу време да се прилагоди во новата средина.  Горбок заедно со Борозан ќе играат на левата бековска позиција.

Задоволен сум што се вратив во Вардар. Скопје е мојот втор дом, тука ми е познато и овде се чувствувам одлично. За очекувањата малку е рано да зборуваме уште отсега, но сигурен сум дека ќе играме со срце и навивачите тоа ќе го препознаат. Прво треба да ги поминеме подготовките, а откако ќе ги одработиме, ќе зборуваме повеќе за она што можеме да го очекуваме во претстојната сезона, истакна Горбок на првиот тренинг со Вардар.