Петрушевски: Максимално фокусирани влеговме во натпреварот – Ќосевски: На секој меч одиме на победа

Екипата на РК Вардар со голема предност ќе патува на реваншот во Нови Сад, откако на првиот 1/4 финален дуел во СЕХА со убедливи 38:25 ја победи екипата на Војводина.

Изјави после натпреварот дадоа пошниот тренер, Стојан Петрушевски и играчот, Ален Ќосевски.

-Ние не ве потценивме и имавме видео анализа пред мечот за вашата игра од претходните натпревари. Бевме изненадени како игравте и затоа максимално фокусирани влеговме на мечот. Во спортот мора да се игра до последен момент. Во второ полувреме шанса добија и помладите, и ја искористија како што треба.
Ова беше еден отворен меч и помалку внимание се обрнуваше на одбраната. Ни следува тежок период за десетина дена играме четири меча, Можеби и играчите малку се штедеа, а и ние игравме ракомет без фаул. И самиот меч беше таков дека примивме доста голови. Ме радува што влеговме фокусирани во мечот, и што играчите дадоа максимум, истакна Петрушевски.

Сакам да им честитам на Војводина, ние од првиот меч влеговме со најсилниот состав и одигравме максимално. Одиме на секој меч со мисла за победа, изјави Ќосевски.