Подготовки за пролетниот дел од сезоната, кадетите на РК Вардар напорно работат под водство на Петковски

Кадетската екипа на РК Вардар се подготвува за пролетниот дел од сезоната во првенството.

Екипата предводена од Зоран Петковски тренира во спортската сала на О.У.Круме Кепески, напорно работи и со нетрпение го очекува вториот дел од сезоната.

Кадетите на Вардар после седум одиграни натпревари имаат скор од шест победи и еден пораз и се наоѓаат на второто место во својата група. Од првиот дел треба да се одиграат уште натпреварите со Кузман Вардар и Голден Арт-2.

Екипата во пролетниот дел ќе биде засилена за Алексеј Цветковски и повратникот после повредата, Ангел Столески.