Кудуз: Овој натпревар ќе биде многу поразличен од оној во Скопје

Вардар денес гостува кај екипата на Алборг, на натпревар од 5.коло во Лигата на Шампионите. Данскиот Шампион ќе бара „одмазда“ за поразот од Скопје, додека од Вардар се очекуваат дека ќе се вратат на победите после незгодниот пораз на домашен терен од екипата на Монпелје.

Своите очекувања за денешниот натпревар ги сподели хрватскиот интернационалец, Анте Кудуз, кој беше во составот на Вардар и на претходниот натпревар против екипата на Монпелје.

„Знаеме дека Алборг ќе бара реванш за поразот од Скопје. Ќе биде интересно, ние доживеавме еден „ладен туш“ против Монпелје и можеби на крај да испедне позитивно што добивме една таква „шлаканица“ за да се разбудиме.

Сигурно овој натпревар ќе биде многу поразличен од оној во Скопје. Верувам дека тие сега се подобро подготвени, а ние добро знаеме како играат, па затоа сметам дека нема да има многу тактички изненадувања“,

Натпреварот ќе започне од 18:45 часот со директен пренос на Арена Спорт 3.