Михајловски: Со ангажирањето на Шеваљевиќ ќе бидеме уште поконкурентни во продолжението на сезоната

Вардар во продолжението од сезоната ќе биде посилен за Васко Шеваљевиќ кој доаѓа од екипата на Истр од Франција. Се работи за 32-годишен репрезентативец на Црна Гора кој има  богата играчка кариера.

Со неговото донесување, Алушовски ќе има поширок избор на левата бековска позиција, каде моментално играат Талевски и Дисингер. За трансферот на Шеваљевиќ се огласи и првиот човек на Вардар 1961 кој смета дека Вардар ќе ги оствари своите цели за оваа натпреварувачка сезона.

-Со доведувањето на Шеваљевиќ ја засилуваме бековската линија за која увидовме дека и треба дополнителен играч. Со неговото ангажирање сметаме дека ќе бидеме уште поконкурентни во продолженито на сезоната и ќе ги оствариме нашите цели а тоа е четврт-финале на ЕХФ лигата на шампионите, Ф4 во СЕХА лигата и титулата во домашното првенство, изјави Михајло Михајловски, претседателот на Вардар 1961.