Vardar Fans
На третото издание на ракометниот турнир, “Вардар, еден живот, една љубов, се одиграа натпреварите од првото коло во рамките на групата Б, кај генерација родени 2000/01 година. Победи забележаа екипите на РК Фили и РК Илинден-Вардар.
РК Филип за противник го имаше тимот на РК Бутел, против кого лесно се справи на овој меч. Уште на стартот имаа високо водство од 5:1, за во следните пет минути игра, РК Бутел да намали на резултат 6:4. Сепак РК Филип-Вардар брзо постигнува три голови во серија и за прв пат има пет голови предност 9:4. До крајот на првото полувреме зголемија и на 13:5. Едно полувреме е во времетраење од 15 минути.
На стартот на второто полувреме, избраниците на Таневски и Николовски стигнаа и до двоцифрена предност од 16:6. За момент, Бутел намали на 18:10, но на крајот РК Филип триумфираше убедливо со резултат 23:11. Милан Пирганоски, Антонио Бурчески и Андреј Ѓероски со по 3 голови.
Во истава група од првото коло се одигра дербито помеѓу екипите на РК Илинден и РК Преспа. Победата им припадна за РК Илинден. Уште на стартот избраниците на Дарко и Александра Јанев поведоа со 2:0 и 4:1. Во продолжение од натпреварот, Преспа намали на 6:4, но до крајот на првото полувреме, Илинден успева да направи предност од 10:6. На стартот на вториот дел Илинден псотигнува гол за највисоки пет голови разлика (11:6). Преспа се обидуваше да фати резултаткси приклучок и во еден момент намали на 12:9. Повторно Илинден ја врати предноста на 14:9 и мирно го доведе финишот. Конечниот резултат гласеше 17:13. Гордан Миленковски со 9 голови беше најефикасен кај РК Илинден.
