Vardar Fans
Изминатиов викенд активно беше второто пролетно коло во ракометната “Јуниор“ лига. Во големата сала на С.Ц. Јане Сандански се одиграа два натпревари во машкиот дел кај генерација родени 2000/01 година. Победи забележаа екипите на РК Урдаревски и РК Филип.
РК Урдаревски немаше поголеми проблеми во дуелот со РК Војнисон и славеше со резултат. Стартот навестуваше како ќе се одвива овој натпревар кога Урдаревски поведе со 0:4, а долго време се чекаше на првиот гол на Војнисон кој намали на 1:4. Продолжи неефикасноста на Војнисон и до крајот на првото поилувреме, кога на одмор се замина со резултат 2:7. Немаше неизвесност ниту во второто полувреме, во еден момент екипата на Урдаревски имаше и највисоки седум голови (5:12), а конечениот резултат гласеше 7:13. Три играчи кај победничкиот тим постигнаа по 3 голови. Оливер Јовчевски, Христијан Јанакиевски и Стефан Стевковски постигнаа по 3 голови, додека кај Војнисон најдобар беше Марио Крстески со 5 погодоци.
На вториот натпревар кај оваа генерација победа забележа РК Филип во дуелот со ГРК Гостивар. Интересно е што во најголем дел од првото полувреме се играше гол за гол на девте страни и ниту една од екипите немаше поголема предност од еден гол. Во последните пет минути од првиот дел при нерешен резултат 9:9, екипата на РК Филип прави серија од 3:0 и за прв пат има водство од 12:9. На полувреме се отиде со резултат 13:10. Во второто полувреме следиме доминација на Прилепскиот тим кој со гол го отвори второто полувреме за предност од 14:10. Како одминуваше натпреварот предноста се повеќе растеше и во еден момент достигна седум гола 20:13. На крајот се покажа како убедлива победа, за коенечен резултат од 24:15. Давид Алексоски постигна 10 голови кај РК Филип, додека кај поразениот тим, Филип Илиески и Бојан Маркоски беа стрелци на 4 голови.
