Комплетни резултати од 4.коло во Супер Лигата, Вардар единствен со максимален број на освоени бодови

Изминатиов викенд се комплетираше 4.коло во машката ракометна Супер Лига. Дербито се одигра во С.Ц. Јане Сандански, на кое Вардар го победи тимот на Еурофарм Пелистер и на тој начин ја доби првата битка за освојување на Шампионската титула, иако двете екипи треба да одиграат уште три меѓусебни натпревари.

Во ова коло мало изненадување направи тимот на Еурофарм Пелистер 2 кој на домашен терен го победи тимот на Пролет. Екипата на Металург го претрпе и четвртиот последователен пораз од екипата на Тиквеш. На останатите три натпревари Скопје минимално загуби од тимот на Прилеп,  Бутел ја оправда улогата на фаворит на гостувањето кај екипата на Струга, додека Охрид победи кај екипата на Радовиш.

Комплетни резултати од 4.коло:

Тиквеш 2014 – Металург  21:19

Вардар – Еурофарм Пелистер  29:25

Скопје – Прилеп  29:30

Струга – Бутел  16:25

Радовиш – Охрид  19:26

Еурофарм Пелистер 2 – Пролет  29:22

После ова одиграно коло, Вардар остана лидер на табелата и единствен со максимален број на освоени бодови.