Изминатиов викенд се комплетираше и 9.коло во плеј-офот од ракометната Супер лига, во кое победи забележаа фаворитите.
Вардар немаше проблеми на дуелот со Охрид и стигна до висока победа, додека до нови бодови стигна и екипата на Еурофарм Пелистер која се „намачи“ да го победи Бутел на гостински терен. До цел „плен“ во ова коло стигнаа и екипите на Пролет и Металург.
Комплетни резултати од 9.коло:
Вардар – Охрид 37:29
Металург – Струга 35:28
Пролет – Еурофарм Пелистер 2 27:25
Бутел – Еурофарм Пелистер 26:29.
Вардар ја задржува лидерската позиција со максимални 27 освоени бодови пред екипата на Еурофарм Пелистер која има 24 бодови. На 3.место се наоѓа Пролет со 15 бодови, додека на 4 и 5.позиција се наоѓаат Металург и Бутел со по 11 бодови.
Во следното 10.коло на програмата е дербито во Битола, каде Вардар гостува на Еурофарм Пелистер.