Во новата сезона, СЕХА-лигата претрпе нов формат на натпреварување, во кој екипите се поделени во две групи. Вардар успеа да заврши како прв во својата група и да обезбеди директен пласман во четврт-финалето на ова натпреварување, во кое го брани трофејот освоен од минатата сезона. Имавме можност да бидеме во група со два дебитанти, тоа се екипите на Мотор Запорожје и Пекинг Спорт. Одигравме десет натпревари, на кои собравме 24 бодови, односно имавме 8 победи и два порази. Единствените порази беа на гостувањата кај Мотор и на последниот меч кој немаше резултатско значење, а на кој Вардар настапи со вториот тим. Вардар може да се пофали дека го имаше и најдобриот напад во двете групи, постигнувајќи 319 голови, додека примивме 291 гол.
Постигнатите резултати на Вардар во групната фаза:
1 коло: Вардар – Пекинг Спорт 37:23
2 коло: Мотор Запорожје - Вардар 32:31
3 коло: Вардар – Нексе 27:25
4 коло: Татран Прешов – Вардар 22:29
5 коло: Пекинг Спорт – Вардар 28:36
6 коло: Вардар – Војводина 26:23
7 коло: Вардар – Мотор Запорожје 44:37
8 коло: Војводина – Вардар 33:35
9 коло: Вардар – Татран Прешов 28:26
10 коло: Нексе - Вардар 42:26
Најдобар стрелец е Тимур Дибиров со 46 голови, кој се наоѓа и на 3.место на листатата на најдобри стрелци. После него следат Иван Чупиќ со 37, Даннил Шишкарев и Сикошек Пелко со по 29 голови. Во ТОП-50 се наоѓаат уште и Павел Атман со 26 и Димитар Димитриоски со 23 голови.