Saturday ,23 November 2024
Последни:
Home > РК Вардар > Прв Тим > Стоилов: Апел до навивачите да дојдат да го гледаат и поддржат европскиот шампон

Стоилов: Апел до навивачите да дојдат да го гледаат и поддржат европскиот шампон

Posted by: М.Т - Лико 21/09/2017 in Прв Тим, РК Вардар

Викендов повторно во  СЦ „Јане Сандански” ќе гледаме  натпревар од ЕХФ лигата на шампионите, прв пред домашна публика сезонава. На нашиот Вардар му гостува Нант, францускиот вицепрвак, дуелот се игра во сабота во 17,30 часот. На денешната прес конференција присутни беа и дадоа изјави за овој дуел тренерот и капитенот на црвено-црниот машки ракометен тим, тие изјавија:

Раул Гонзалес – тренер на Вардар
Задоволни сме како игравме со Висла и победивме. Многу е тешко да се игра во Полска. Сега треба да играме против Нант. Тие играат добар ракомет, го победија ПСЖ, а играа добро и против ПИК Сегед. Голманот на Нант одбрани 22 топки против ПИК Сегед. Нашите играчи се чувствуваат добро, и веќе тренираме за овој меч. Ќе биде брз натпревар бидејќи тие играат на контри, а и ние така сакаме да играме. Очекувам дека навивачите ќе дојдат и ќе навиваат за нас.

Стојанче Стоилов – капитен на Вардар
Досега сезоната се одвива како што посакуваме. Победивме на сите натпревари. Нѐ чека меч со Нант – тежок меч, незгоден противник. Одиме на победа. Мал апел до нашите навивачи. Да дојдат бидејќи заслужуваме полни трибини и ние.