РК Вардар се враќа на настапите во Супер Лигата, денес гостува во Кавадарци кај Тиквеш

После паузатата поради настапите на сениорската ракометна репрезентација, која успеа да обезбед пласман на Светското Првенство, на програмата се враќаат натпреварите од Плеј-Оф во домашната Супер Лига.

Во рамките на 5.коло, црвено-црните денес гостуваат во Кавадарци кај екипата на ГРК Тиквеш 2014. Натпреварот во салата „Јасмин“ ќе започне од 19:00 часот. Судиската двојка ја сочинуваат Виктор Андонов и Стојанчо Јовановски од Скопје, додека делегат ќе биде Камер Металари од Скопје.

Поради одложеното коло со Бутел, Вардар има три одиграни натпревар, на кои забележа две победи и еден пораз, додека денешниот противник после четири одиграни кола има скор од една победа, еден нерешен резултат и два порази.