Шест играчи од РК Вардар, дел од кадетската репрезентација за подготовките за ЕХФ шампионатот

Кадетската ракометна репрезентација денес го има својот прв собир, во склоп на подготовките за ЕХФ шампионатот претстојното лето. Оваа селекција е предводена од поранешниот репрезентативен голман, Данило Брестовац, кој повика 18 ракометари, од кои 5 доаѓаат од ракометниот клуб Вардар.

Се работи за Андреј Петковски, Игор Ѓорѓиев, Мартин Карапалевски, Ален Ќосевски, Васе Наков и Кристијан Анѓелковски. Според програмата, кадетите на Македонија ќе одиграат два контролни натпревари со соодветната селекција на Унгарија и еден против Јужна Кореја. Исто така ќе бидат дел од турнир во Романија, каде ќе играат против домаќинот, како и селекциите на Холандија и Италија.

ЕХФ шампионатот е предвиден да се одигра во месец август, во Грузија ( Тбилиси). Како што напоменавме првиот собир е закажан за денес во салата во населбата Автокоманда, со почеток од 16:00 часот.