Вардарци се најдоа на скратениот список на селекторот Лазаров

Селекторот на македонската ракометна репрезентација, Кирил Лазаров, го скрати списокот на ракометари на кои ќе смета за подготвителните натпревари против репрезентацијата на Србија. Шанса ќе добијат млади ракометари и играчи кои не добиваа шанса на претходните натпревари за Македонија.

На скратениот список се најдоа неколку играчи од редовите на Вардар. Се работи за Mарко Кизиќ, Стефан Атанасовски, Томислав Јагуриновски и Марко Мишевски.

Собирот на репрезентацијата е закажан за 16.јуни, додека натпреварите со Србија ќе бидат одиграни на 19 и 20.јуни.