Vardar Fans
Вардарци во сезоната 2013/14 се вратија на настапите во лигата на шампиони, или после пауза од три години повторно станаа дел од најголемото ракометно натпреварување. По освојување на шампионската титула во домашното првенство, клубот го презема господинот Сергеј Самсоненко, кој уште во првата година успева да го засили клубот. Во Вардар дојдоа играчи како Дибиров, Растворцев, Душебаев, Чипурин, Малумбрес, Терзиќ, Тоскиќ, Брумен и Козлина.
Најдобрите мечеви на РК Вардар во оваа сезона сигурно беа оние пред својата публика, во спортскиот центар Борис Трајковски. Најпрво во првото коло успеавме да останеме непоразени во дуелот со моќната Барселона, додека во третото коло имавме уште еден тежок испит, а тоа беше богатиот тим на ПСЖ. Сигурно ќе се сложиме дека најголемиот резултатски пресврт за црвено-црните овие три сезони во ЛШ, беше токму тој меч против ПСЖ. Во последните пет минути спасувавме пет гола негатива, откако противникот имаше водство од 19:24. Кога многумина помислија дека тука е крајот на овој меч, Вардарци како да се разбудија од “зимскиот“ сон и полека но сигурно ја топеа разликата на Французите. Во секоја минута постигнуваа по еден погодок, а истовремено не дозволуваа нивната мрежа да биде затресена. Петар Ангелов имаше одличен старт на тој меч, забележувајќи 12 одбрани за нецело едно полувреме. Потоа на голот застана и шпанецот Малумбрес, додека натпреварот на голот го заврши Страхиња Милиќ кој успеа да го скроти последниот напад на Хансен, при нерешен резултат. Вардар имаше дури и напад за водство и победа, но сепак не успеавме да реализираме. Како најефикасни во нашиот состав завршија Дибиров и Душебаев, со по пет постигнати голови.
Да се потсетиме како изгледаше големиот резултатски пресврт на Вардарци на тој натпревар.
