Стоилов: Барселона е еден од најдобрите клубови, клуб со историја, сепак тоа на теренот не значи ништо

Вардар доаѓа како дебитант на овој завршниот турнир на најдобрите Ф4 во Келн. Среќата да биде прв капитен кој го однел црвено-црниот тим на Ф-4 во 56 година од постоењето има Стојанче Стоилов. Ова е негов прв Ф4 турнир, некој момци од тимот веќе го имаат искусено овој предизвик. Стоилов ги кажува последните импресии пред вечерашниот натпревар за Пехар.

Спремни сме, иако сме дебитанти. Тоа не значи ништо. Сите четири екипи имаат подеднакви шанси за триумф тука. Се надевам ќе имаме повеќе среќа од девојките. Чекавме неколку години да дојдеме тука, и знаеме што значи тоа. Дојдени сме со цел и се надевам ќе ја заокружиме таа цел. Знаеме кој е нашиот ривал, еден од најдобрите клубови, клуб со историја. Тоа тука не значи ништо, еден меч е тоа. Најважно е да бидеме мотивирани. И кој ќе биде помотивиран ќе победи. Тие се поискусни од нас, ние имаме дебитанти во тимот, но и оние што играле досега тука. На нив останува да нѐ понесат и да ни дадат совети. Можам да ветам борба, тоа ни останува. Да покажеме образ и дека заслужуваме да бидеме тука, и ова ќе биде континуитет за нас во иднина- вели капитенот Стоилов.