Томас: Се уште боли поразот од Вардар, кој не можам никако да го заборавам

Капитенот на Барселона, Виктор Томас се уште не може да го преболи поразот на неговиот тим, во полуфиналето на ЛШ, од екипата на Вардар. На завршниот турнир во Келн, Вардар и Барса се соочија во полуфиналето, а каталонците долго во натпреварот имаа предност, која во еден момент изнесуваше цели седум голови. Сепак во последните 15 минути се случи голем пад во нивната игра, а црвено-црните го направија можеби еден од најголемите пресврти, што се однесува на завршните мечеви во најголемото натпреварување. Тоа беше втор пораз за Барса од Вардар, на завршните турнири, а нашиот тим стигна и до втората Европска титула.

-Не можам никако да го заборавам тешкиот пораз од Вардар, иако се обидувам, некогаш се потсетувам и тоа ме растажува. Бевме подобар противник повеќе од 45 минути на терен, имавме одлична сезона пред себе, а потоа луѓето заборавија на нас, после тој пораз од Вардар. Во новата сезона сакаме одиме чекор понапред и се освен неосвојувањето на Лигата на Шампионите ќе биде голем неуспех за нас, истакна капитенот на Барселона.