Ракометната академија Вардар и ракометната школа Вардар – Седмерец на 28 септември, сабота, ќе бидат Ваши домаќини на неколку локации низ градот каде Ве очекуваме да се дружиме.
Во текот на денот пехарот ќе биде на следниве локации:
*Бисери Филеви: 12:00 до 13:00 часот
*Ресторан Далга: 13:00 до 14:00 часот
*Хотел Лаки: 14:00 до 15:00 часот
*CubaLibre Beach: 16:00 до 19:00 (За сите фанови од Охрид и Струга)
*CubaLibre Beach: 19:00 до 21:00 (За членовите на ракометната школа Вардар Седмерец)
Борис Џутески од Вардар – Седмерец, како организатор на настанот вели дека соработката со Ракометната академија Вардар во минатите години се покажала како можност за развој на школата, но сега веќе се гледаат и придобивките кога си дел од црвено – црното семејство.
„Ова е ретка можност и среќен сум што успеавме пехарот да го донесеме во Охрид и в сабота ги очекуваме охриѓани, но и навивачите од Струга, како и од други населени места во околината на Охрид да ја искористат шансата. Ракометната школа Вардар Седмерец од Охрид е голем поддржувач и навивач на европскиот ракометен првак Вардар, и пресреќни сме што во Бисери Филеви, Ресторан Далга, Хотел Лаки и во CubaLibre Beach организираме настан каде сите фанови од 12:00 до 19:00 часот да можат да се фотографираат со пехарот освоен во Келн”, вели Џутески.
Тој нагласува дека пехарот најмногу време ќе помине во CubaLibre Beach, но важно за фановите е дека 16 часот до 19 часот локалот ќе биде отворен за сите фанови кои сакаат да се фотографираат со пехарот. Терминот од 19:00 до 21:00 часот е резервиран ексклузивно за дружба со членовите од ракометната школа Вардар Седмерец кои ќе имаат можност да се фотографираат со пехарот и секој член посебно ќе добие членска книшка и лојална клуб картичка кој им овозможува попуст во многу продавници за спортска опрема, книжари, кафе барови, пицерии, златари, сребрари.