(ВИДЕО) Големо засилување за Вардар, во повратникот Сергеј Горбок

После две сезони поминати во дресот на Пик Сегед, рускиот репрезентативец Сергеј Горбок се враќа во екипата на Вардар. Левиот бек настапуваше за црвено-црните во сезоните 2014/15 и 2015/16, после што се пресели во Унгарија. Изминатите две сезони во тимот на Пик Сегед успеа да постигне вкупно 94 голови во Лигата на Шампионите и да биде еден од најдобрите стрелци во екипата која ја предводи Пастор.

Погледнете дел од неговите голови во екипата на Сегед, несомено заедно со Борозан ќе претставуваат голема опасност по противничките голови на таа лева бековска позиција. За Вардар во двете одиграни сезони, Горбок постина 104 голови.