(ВИДЕО) Се е полесно кога го имаш Штербик на голот

Вардар ја победи Барселона, на натпревар на кој црвено-црните ја демонстриаа сета сила и моќ и покажаа зошто се Европски шампиони. Шампионот на Шпанија изгледаше загубен во скопскиот “пекол“ и атмосферата која ја приреди Вардаровата публика, но и од играта која ја прикажаа избраниците на Раул Гонзалес. Не може да помине една победа на Вардар, ако во главна улога не биде Арпад Штербик, кој оваа сезона брани феноменално и на петти натпревар во лигата на шампионите има двоцифрен број на одбранети удари, или точно 17 интервенции во триумфот против Барселона.

ЕХФ излезе со видео за вчерашниот меч и триумфот во дуелот со каталонците, поврзано со одбраните на Штербик кои ги имаше многу, кои беа доста значајни во остварување на уште една победа, со која се зацврстивме на првото место на табелата во нашата група. Погледнете само дел од одбраните на Арпад Штербик, на мечот со Барса.