Vardar Fans
Победа над актуелниот шампион на Европа, за старт на новата натпреварувачка сезона. Вечерва вардарци одиграа одличен меч и славеа на гостувањето против екипата на Монпелје. Одлично шпанскиот стручњак на клупата на Вардар ја постави играта, која на крајот даде и реултат. На прес-конференцијата пред медиумите своите впечатоци од триумфот, ги искажа Парондо кој го изјави следново:
-Многу сум горд на моите ракометари кои направија одличен резултат. Многу е тешко да се игра во Монпелје и да се дојде до победа, но ние успеавме. Игравме против актуелниот првак и стартувавме со триумф. Едноставно, успеавме да го запреме противникот.
Скубе одигра одличен меч и беше трет најдобар стрелец во Вардар, а имаше и многу асистенции.
-Работата ја заврши нашата одлична одбрана, на чело со голманот Милосављев. Тој оствари феноменална партија. Воопшто не беше лесно да се стигне до победа. Игравме против европскиот првак, а имавме многу измени во тимот и многу нови ракометари.
