Vardar Fans
На завршниот турнир во детската фудбалска лига, три генерации на ФК Вардар успеаа да освојат прво место, додека една стана вицешампион. Златниот медал заблеска на градите на генерациите родени “2005“, “2007“ и “2008“ година, додека сребрениот медал е за генерацијата “2006“. По одигрување на завршните натпревари, покрај трофеите и медалите за најдобрите екипи се доделуваа и поединечни награди за најдобар голман и стрелец.
Матеј Гаштаров беше вистински лидер на својата генер. “2005“ и на крајот заслужено е прогласен за најдобар стрелец на завршниот турнир.
Истава награда, но во генерација “2006“ ја доби и капитенот на Вардар, се работи за Дарко Сековски кој е најдобриот стрелец.
Лука Јаневски по втор пат е прогласен за најдобар голман во својата генерација “2007“ откако истово признание го доби и во 2016 година. Неговиот соиграч, младиот надежен Александар Грашески е прогласен за најдобар стрелец во оваа генерација.
Најдобар голман имаме и кај генерацијата родени “2008“ година и тоа повторно за Лука Грчевски, кој успеа да го одбрани ова признание, кое го доби и минатата сезона.
Богата е колекцијата и оваа сезона, како со трофеи и медали, така и со поединечни награди од завршниот турнир, на кој Вардар доминираше.
