Вардар заедно со Брест Мешков и Нексе, единствените со три победи во СЕХА-лигата

После три одиграни кола во СЕХА-лигата, екипата на Вардар се наоѓа на првото место на табелата. Црвено-црните заедно со Брест Мешков и Нексе се единствените кои имаат максимални девет освоени бодови после првите три одиграни кола. Сепак Вардар поради подобрата гол разлика е лидер во ова натпреварување. Во првите три кола беа совладани екипите на Металург, Железничар и Татран Прешов.

Следниот меч за Вардар во СЕХА-лигата е во вторник, кога на домашен терен ќе ја дочекаме екипата на Стеауа од Букурешт. Претходно гостуваме во Франција на екипата на Монпелје, на првиот дуел за новата сезона во Лигата на Шампионите. Што се однесува до најдобрите стрелци во нашите редови, првото место е за Мораес Фереира кој досега постигна 15 голови.